అందరికీ నమస్కారం, నా పేరు బి. సాయి ప్రసన్న కుమార్ లేదా సంక్షిప్తంగా బిఎస్‌పి కుమార్ (BSP Kumar).

నేను నాస్తికుడిని, హేతువాదిని మరియు మానవతావాదిని.

ఎవరైనా మనల్ని ఆర్ధిక మరియు సామజిక సమస్యలకు మూల కారణాలను తెలుసుకోనివ్వకుండా, లేదంటే మూల కారణాలను ప్రశ్నించడకూడదు అని మనల్ని మోసం చేస్తూ ఉంటే, మనం ఎప్పటికీ ఆ సమస్యను పరిష్కరించలేము. ఇలాంటి కారణాల వల్లే ప్రపంచంలో అనేక సామజిక-ఆర్ధిక సమస్యలు దీర్ఘకాలంగా కొనసాగుతూ వచ్చాయి. ఇలాంటి సమస్యలకు మూల కారణాలు అయిన వివిధ మత, రాజకీయ, మరియు సాంస్కృతిక భావజాలాలను మరియు ఆచారాలను దోపిడీదారులు, వివక్ష చూపే వారు లేదా మూఢ నమ్మకాలను నమ్మే వాళ్ళు బలపరుస్తూ వచ్చారు.

వర్ణ వ్యవస్థ లేదా సనాతన ధర్మం నుండి పరిణామం చెందిన కుల వ్యవస్థ భారతదేశంలో అనేక సామాజిక-ఆర్థిక సమస్యలు మరియు కుల మరియు లింగ వివక్షకు మూల కారణం. ఇది 90% భారతీయులను ప్రభావితం చేస్తుంది. అయితే ఇది వెనుకబడిన కులాలను మాత్రమే ప్రభావితం చేస్తుందని చాలా మంది భారతీయులు భావిస్తున్నారు.

వైదిక మతం నుండి ఉద్భవించిన పురాతన మతమైన వైదిక బ్రాహ్మణ మతంలో వర్ణ వ్యవస్థ అంతర్భాగం. ఇది క్రీస్తు పూర్వం సుమారు 1500 లో ప్రస్తుత ఇరాన్ ప్రాంతం నుండి భారత ఉపఖండానికి వలస వచ్చిన ఆర్యుల మతం. ఇండో-ఆర్యుల, ముఖ్యంగా వైదిక బ్రాహ్మణుల ఆధిపత్యాన్ని కొనసాగించడానికి మరియు సింధు లోయ స్థిరనివాసుల మరియు ఇతర స్థానిక భారతీయులను దోపిడీ చేయడానికి అత్యంత వివక్షా పూరితమైన ఈ వర్ణ వ్యవస్థను మతం పేరుతో అమలు చేశారు.

బ్రాహ్మణవాదం అసలు రూపం తెలియక దానిని గుడ్డిగా అనుసరిస్తూ, మరియు బలపరుస్తూ తమను తామే సుమారుగా 3000 సంవత్సరాలు భాదితులను చేసుకుంటూ వస్తున్నారు.

ఇంకొక కారణం ఏంటంటే,  బ్రాహ్మణవాదం వైదిక బ్రాహ్మణవాదం మరియు బ్రాహ్మణీకరించబడిన హిందుమతాల  మరియు హిందుత్వ లాంటి రాజకీయ భావజాల ముసుగులో చెలామణి అవుతూ వస్తుంది. తమ లబ్ది కోసం వర్ణ వ్యవస్థను సృష్టించిన బ్రాహ్మణవాదులు చరిత్రను వక్రీకరించి, ఆ వ్యవస్థను బలపరిచే విధంగా దొంగ దేవుళ్ల మరియు వీరుల కధలను సృష్టించి,  ఆ భావజాలానికి మతపరమైన పవిత్రతను ఆపాదించి, దానిని ప్రశ్నించకుండా ఉండేటట్టు భాదితులను బ్రెయిన్ వాష్ చేశారు. ఈ విధంగా 3000 సంవత్సరాలుగా తమ ఆధిపత్యాన్ని చెలాయిస్తూ, మిగతా వారిపై వివక్ష చూపుతూ, దోపిడీకి గురిచేస్తూ వచ్చారు. 

ఈ బ్లాగ్ లో బ్రాహ్మణవాదం, మరియు ప్రపంచంలో అనేక సామజిక-ఆర్ధిక  సమస్యలకు మూలకారణాలు అయిన బ్రాహ్మణవాదం లాంటి ఇతర మత, రాజకీయ, మరియు సాంస్కృతిక భావజాలాలను నేను చర్చిస్తాను. కానీ నేను కుల వ్యవస్థ మరియు దానిలో అంతర్లీనంగా ఉన్న లింగ అసమానత గురించి మరింత చర్చిస్తాను, ఎందుకంటే ఇది 90% భారతీయులను ప్రభావితం చేస్తుంది మరియు భారతదేశంలోని అనేక సామాజిక-ఆర్థిక సమస్యలకు మూలకారణం. ఇంకా, ఈ సామజిక-ఆర్ధిక సమస్యలను పరిష్కరించడంలో హేతువాదం మరియు మానవతావాదం ఎంత బాగా ఉపయోగపడుతుందో చర్చిస్తాను.

* బ్రాహ్మణ వాదులంటే వర్ణ లేక కుల వ్యవస్థను, దానిలో అంతర్భాగమైన లింగ వివక్షను పాటించే లేదా అమలు చేసే వ్యక్తులు. చరిత్రలో బ్రాహ్మణ వాదులంటే వైదిక బ్రాహ్మణులు. కానీ దానివల్ల లబ్ది పొందుతుండడం వల్ల ఇప్పుడు చాలా మంది బ్రాహ్మణేతరులు ఎక్కువగా బ్రాహ్మణ వాదులుగా మారుతున్నారు. బ్రాహ్మణులందరూ బ్రాహ్మణ వాదులు కాదు, బ్రాహ్మణ వాదంపై వ్యతిరేకంగా పోరాడిన వాళ్లలో బ్రాహ్మణులు కూడా ఉన్నారు. నా అభిప్రాయాలు బ్రాహ్మణవాదానికి వ్యతిరేకం, బ్రాహ్మణులపై కాదు.